10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Կյանքից հեռացել է ԱՄԷ նախագահ Խալիֆա բեն Զայեդ Ալ Նահյանը
Քաղաքականություն
13.05.2022 | 18:17
73 տարեկանում մահացել է Արաբական Միացյալ Էմիրությունների (ԱՄԷ) նախագահ Խալիֆա բեն Զայեդ Ալ Նահյանը։ ՏԱՍՍ-ի փոխանցմամբ՝ այս մասին հայտնել է երկրի WAM լրատվական գործակալությունը։
«Նախագահի գործերի նախարարությունը հայտարարում է ԱՄԷ-ի ժողովրդին, արաբ և իսլամական ժողովուրդներին և ողջ աշխարհին ազգի առաջնորդ, նրա հովանավոր, պետության նախագահ նորին մեծություն Շեյխ Խալիֆա բին Զայեդ Ալ Նահյանի մահվան մասին, որը կյանքից հեռացել է այսօր՝ մայիսի 13-ին»,- ասված է հաղորդագրությունում։
Երկրում համազգային սուգ է հայտարարվել, որը, ըստ հայտարարության, կտևի 40 օր, որի ընթացքում պետական դրոշները կխոնարհվեն։ Երեք օրով փակվել են բոլոր պետական հիմնարկները և մասնավոր հատվածի ձեռնարկությունները։
Տաթև Ֆռանգյան
