18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ամերիկացի սենատոր Ռենդ Փոլն արգելափակել է Ուկրաինային 40 միլիարդ դոլարի շտապ օգնությունը
Քաղաքականություն
13.05.2022 | 14:30
Սպիտակ տունը փորձում է արագորեն անցկացնել Կիևին 40 միլիարդ դոլար տրամադրելու որոշումը, որը վերջին տասնամյակների ընթացքում ամերիկյան օգնության ամենամեծ փաթեթն է: Առաջատար սենատորները՝ հանրապետականներն ու դեմոկրատները, հազվադեպ միասնություն են ցուցաբերել՝ համաձայնելով, որ անհապաղ անհրաժեշտ է լրացուցիչ մարդասիրական և ռազմական օգնություն տրամադրել ծանր իրավիճակում հայտնված Ուկրաինային, գրում է BBC-ի ռուսական ծառայությունը։
Սենատոր Ռենդ Փոլը, սակայն, արգելափակել է Ուկրաինային 40 միլիարդ դոլարի շտապ օգնությունը՝ միայնակ դեմ արտահայտվելով օրինագծին:
Ռենդ Փոլը, որը բազմիցս դեմ է եղել այլ երկրներին Վաշինգտոնի օգնության տրամադրմանը, հրաժարվել է աջակցել առաջարկին, որը պահանջում է միաձայն որոշում: Այն պահանջում է հատուկ օրենսդրություն ընդունել, որը կապահովի ամերիկյան հսկողության սահմանում, թե ինչպես են ծախսվում այդ գումարները:
«Դուք չեք կարող դեն նետել 40 միլիարդ դոլար՝ առանց որևէ վերահսկողության: Մենք դա արեցինք Աֆղանստանում. հատուկ գլխավոր տեսուչը չկանգնեցրեց բոլոր վատնումները, բայց գոնե ստիպեց գողերին երկու անգամ մտածել փող գողանալուց առաջ», – հայտարարել է Փոլը:
«Ես հավատարմության երդում եմ տվել ԱՄՆ սահմանադրությանը, այլ ոչ թե ինչ-որ օտար պետության: Իմ ողջ կարեկցանքով հանդերձ՝ ես երդվել եմ ԱՄՆ ազգային անվտանգությունն ապահովել: Մենք չենք կարող փրկել Ուկրաինան՝ դատապարտելով ամերիկյան տնտեսությունը: Մարտին գնաճը հասել է վերջին 40 տարվա ամենաբարձր մակարդակին, միայն բենզինը թանկացել է 48%-ով, էներգակիրները՝ 32%-ով»,- իր դիրքորոշումն այսպես է բացատրել Փոլը։
Վաշինգտոնի կարծիքով՝ օգնության փաթեթի թողարկման հետաձգումը կարող է ժամանակավոր խնդիրներ առաջացնել ԱՄՆ-ի և նրա դաշնակիցների համար, ովքեր փորձում են աջակցել Ուկրաինային:
Տաթև Ֆռանգյան
