17.01.2026 | 11:55
Նախարարի հրամաններով ՆԳՆ ենթակա ծառայություններում կադրային փոփոխություններ են կատարվել
Ուկրաինան պատրաստ է Մոսկվայի հետ բանակցությունների, բայց առանց վերջնագրերի. Կուլեբա
Քաղաքականություն
12.05.2022 | 21:31
Ուկրաինայի արտաքին գործերի նախարար Դմիտրի Կուլեբան հայտարարել է, որ Կիևը պատրաստ է Ռուսաստանի հետ բանակցությունների, սակայն չի ընդունի ռուսական կողմի վերջնագրերը։
«Արմենպրես»-ի հաղորդմամբ՝ ինչպես հայտնում է ՏԱՍՍ-ը, այս մասին Կուլեբան հայտարարել մայիսի 12-ին գերմանական «Die Welt» թերթին տված հարցազրույցում, որը հրապարակվել է Գերմանիա կատարած այցի ժամանակ։
«Մենք պատրաստ ենք բանակցությունների, սակայն մենք պատրաստ չենք ընդունել ռուսական վերջնագրերը»,- ասել է Ուկրաինայի ԱԳՆ ղեկավարը՝ ընդգծելով, որ եթե իրավիճակը սրվի, Կիևը պատասխան հարված կհասցնի։
Միաժամանակ Կուլեբան պնդել է, որ Ռուսաստանի Դաշնությունը չի ցանկանում նստել բանակցությունների սեղանի շուրջ, այլ մտադիր է շարունակել ռազմական գործողությունները։ «Իրական խնդիրն այն է, որ Ռուսաստանը պատրաստ չէ իրական և բովանդակալից բանակցություններ վարել»,- ասել է Ուկրաինայի ԱԳ նախարարը։
