20.08.2026 | 17:19
Փաշինյանի նպատակն է` Տիգրանաշենը տանք, պրծնենք, «Ֆեստիվառ»-ներ անենք. Արթուր Խաչատրյան․ ՏԵՍԱՆՅՈՒԹ
Մեկ օրում ավելի քան 200 միլիարդ դոլար է նվազել կրիպտո շուկայից` վերջին 40 տարվա ամենաբարձր գնաճի ֆոնին
Քաղաքականություն
12.05.2022 | 21:56
Բիթքոինի արժեքը 16 ամսվա ընթացքում առաջին անգամ նվազել է 26,000 դոլարից՝ կրիպտոարժույթների ավելի լայն վաճառքի ֆոնին, ինչի արդյունքում մեկ օրվա ընթացքում ամբողջ շուկայից նվազել է ավելի քան 200 միլիարդ դոլար, գրում է CNBC-ն:
Bitstamp-ի տվյալների համաձայն՝ հինգշաբթի առավոտյան բիթքոինի գինը նվազել է՝ հասնելով մինչև 25,919․33 դոլարի: Սա 2020 թվականի դեկտեմբերի 26-ից ի վեր առաջին դեպքն է, երբ բիթքոինը նվազել է 27,000 դոլարի մակարդակից: Կրիպտոարժույթն այդ ժամանակից ի վեր որոշակիորեն նվազեցրել է իր կորուստները և վերջին անգամ վաճառվել է 28,291․48 դոլարով, սակայն այս արժեքը վերջին 24 ժամում նվազել է 3%-ով:
Եթերը՝ երկրորդ ամենամեծ թվային արժույթը, արժեցել է մինչև 1719,73 դոլար մեկ մետաղադրամի համար: 2021 թվականի հուլիսից ի վեր սա առաջին դեպքն է, որ այն նվազել է 2000 դոլարից:
Ներդրողները խուսափում են կրիպտոարժույթներից, քանի որ ֆոնդային շուկաները նվազել են կորոնավիրուսային համաճարակի ամենաբարձր մակարդակից՝ գների աճի և տնտեսական հեռանկարի վատթարացման մտավախության պատճառով: Չորեքշաբթի ԱՄՆ-ի հրապարակված գնաճի տվյալները ցույց են տվել, որ ապրանքների և ծառայությունների գներն ապրիլին աճել են 8,3%-ով, ինչը վերլուծաբանների ակնկալածից բարձր է և մոտ է վերջին 40 տարվա ամենաբարձր մակարդակին:
Տաթև Ֆռանգյան
