16.01.2026 | 20:00
Հայաստանը 100-ից 26 միավոր է ստացել․ SIGMA-ն գնահատել է հանրային կառավարման ոլորտը․ ՏԵՍԱՆՅՈՒԹ
Ըստ Կրեմլի՝ Ֆինլանդիայի անդամակցությունը ՆԱՏՕ-ին սպառնալիք կդառնա Ռուսաստանի համար
Քաղաքականություն
12.05.2022 | 18:16
Ֆինլանդիայի անդամակցությունը Հյուսիսատլանտյան դաշինք սպառնալիք կդառնա Ռուսաստանի համար։ Այս մասին մայիսի 12-ին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Regnum-ը։
Նա մեկնաբանել է Շվեդիայի և Ֆինլանդիայի՝ ռազմական դաշինքին միանալու ծրագրերը։ Պեսկովի խոսքով՝ Ֆինլանդիայի անդամակցությունը ՆԱՏՕ-ին սպառնալիք կլինի Ռուսաստանի համար։
Կրեմլի խոսնակը նաև նշել է, որ բոլոր կողմերը ցանկանում են խուսափել ՆԱՏՕ-ի և Ռուսաստանի միջև ուղիղ բախումից։
ՌԴ ԱԳ նախարարությունն իր հերթին անդրադառնալով Ֆինլանդիայի՝ ՆԱՏՕ-ին անդամակցությանը, նշել է, որ այդ դեպքում Մոսկվան ստիպված կլինի պատասխան քայլեր ձեռնարկել։
«ՆԱՏՕ-ի նպատակը, որի անդամ երկրներն ակտիվորեն համոզում էին ֆիննական կողմին դաշինքին անդամակցելու այլընտրանքի բացակայության մասին, պարզ է՝ շարունակել ընդլայնվել դեպի Ռուսաստանի սահմանները, ստեղծել մեր երկրի համար ռազմական սպառնալիքի ևս մեկ թև»,- ասվում է ՌԴ ԱԳՆ հայտարարությունում։
Տաթև Ֆռանգյան
