13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Հայկական Շուշիում Ադրբեջանը երաժշտական փառատոն է անցկացնում․ բացմանը մասնակցում են Ալիևները
Քաղաքականություն
12.05.2022 | 14:25
Արցախի գրավյալ հայկական Շուշի քաղաքում Ադրբեջանն անցկացնում է «Խարիբյուլբյուլ» երաժշտական փառատոնը։
Ադրբեջանական լրատվամիջոցները հաղորդում են, որ Ադրբեջանի նախագահ Իլհամ Ալիևն ու նրա կինը՝ Մեհրիբան Ալիևան մասնակցում են փառատոնի բացմանը, չնայած հրապարակված կադրերում նրանք չեն երևում։ Պատճառը, հավանաբար, Շուշիում տեղացող անձրևն է։
Նշվում է, որ փառատոնն անցկացվելու է մայիսի 12-14-ին, որին մասնակցելու են երաժիշտներ, պարային խմբեր 10 երկրից, ինչպես նաև ֆոլկլորային խմբեր Ադրբեջանի տարբեր շրջաններից։ Չի հաղորդվում, սակայն, թե կոնկրետ որ երկրներից են մասնակիցներ ժամանել։
Հավելենք, որ նախորդ տարի ևս Ադրբեջանի իշխանությունները հայկական քաղաքում նման միջոցառում էին կազմակերպել։
Էմմա Չոբանյան
