16.09.2026 | 21:30
Քոչարյանի գրպանը 200 մլն դոլար չեն գցել․ անհնար է համոզել ՀՀ-ի ժողովրդին, որ գործը սարքած է․ Թագուհի Ղազարյան․ ՏԵՍԱՆՅՈՒԹ
ԵՀ ղեկավարը Ռուսաստանն անվանել է «ուղիղ սպառնալիք աշխարհակարգի համար»
Քաղաքականություն
12.05.2022 | 17:20
Ռուսաստանն ուղղակի սպառնալիք է միջազգային աշխարհակարգի համար Ուկրաինայում բարբարոսական պատերազմի պատճառով, հայտարարել է Եվրահանձնաժողովի նախագահ Ուրսուլա ֆոն դեր Լյայենը՝ հինգշաբթի ելույթ ունենալով Տոկիոյում Ճապոնիայի վարչապետի հետ բանակցություններից հետո։
Նրա խոսքով՝ ԵՄ-ն ցանկանում է ավելի ակտիվ դեր խաղալ հնդկախաղաղօվկիանոսյան տարածաշրջանում։
«Մենք ցանկանում ենք ավելի շատ պատասխանատվություն ստանձնել մեր բարգավաճման համար այդքան կարևոր տարածաշրջանում»,- ասել է եվրոպացի պաշտոնյան։
Ֆումիո Կիշիդան իր հերթին հայտարարել է, որ Ռուսաստանի ներխուժումն Ուկրաինա խարխլում է աշխարհակարգի հիմքերը և չի կարող հանդուրժելի լինել։ Նրա խոսքով՝ Տոկիոն կշարունակի սերտորեն համագործակցել ԵՄ-ի հետ Ռուսաստանի դեմ կոշտ պատժամիջոցների եւ Ուկրաինային աջակցելու հարցում։
Հանդիպումից հետո կողմերը հայտարարել են նաև Ճապոնիայի և Եվրամիության միջև թվային գործընկերության մեկնարկի մասին:
Տաթև Ֆռանգյան
