29.06.2026 | 10:10
Փրկարարները վիրավոր արագիլին տեղափոխվել են կենդանաբանական այգի
Չինական Ցզյանբեյի օդանավակայանում մարդատար ինքնաթիռ է բռնկվել
Քաղաքականություն
12.05.2022 | 11:18
Tibet Airlines ավիաընկերության մարդատար ինքնաթիռը Չունցին քաղաքի Ցզյանբեյի միջազգային օդանավակայանում թռիչքի ժամանակ դուրս է եկել թռիչքուղուց և բռնկվել, հայտնում է ՌԻԱ Նովոստի գործակալությունը:
Միջադեպը տեղի է ունեցել մոտավորապես տեղի ժամանակով 08:00-ին: Նշվում է, որ ինքնաթիռում եղել է 113 ուղևոր և անձնակազմի 9 անդամ։ 40 մարդ վնասվածքներով տեղափոխվել է հիվանդանոց։
«Չունցին-Նինչի TV9833 չվերթն իրականացնող օդանավը դուրս է եկել Չունցին Ցզյանբեի միջազգային օդանավակայանի թռիչքուղուց, ձախ կողմում գտնվող ֆյուզելաժը բռնկվել է», – ասվում է օդանավակայանի Weibo սոցցանցի էջում արված գրառման մեջ:
Զոհեր չկան, իսկ վթարի պատճառները դեռ պարզված չեն։
Տաթև Ֆռանգյան
