17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
«Շնորհավոր ստրուկների տոնը»․ Ստամբուլում Հեյդար Ալիևի արձանին թողած նման գրառմամբ են նշել Ալիև ավագի ծնունդը
Քաղաքականություն
11.05.2022 | 15:40
Ստամբուլում բավական ուշագրավ կերպով են նշել Ադրբեջանի նախկին նախագահ Հեյդար Ալիևի ծննդյան օրը։ Մասնավորապես, մի խումբ անձինք Ստամբուլի Սարըյեր թաղամասում Հեյդար Ալիևի այգում գտնվող նրա արձանի մոտ բողոքի ակցիա են անցկացրել, գրում են թուրքական լրատվամիջոցները։
Հիշեցնենք, որ անցյալ տարի Ստամբուլում լողափում մահացած էին գտել ադրբեջանցի երիտասարդ ակտիվիստ, նախկին քաղբանտարկյալ Բայրամ Մամեդովին, որը հայտնի է Բաքվում Հեյդար Ալիևի արձանին քաղաքական կարգախոսներ գրելու դեպքով։
Ակտիվիստները Ստամբուլում կրկնել են Մամեդովի արարքը, որը 2016 թվականի մայիսի 10-ին Ադրբեջանում Հեյդար Ալիևի հուշարձանի վրա գրել էր՝ «Շնորհավոր ստրուկների տոնը»։ Սոցիալական ցանցերում տարածվում է բողոքի ակցիայի տեսանյութը։
Ակցիայի մասնակիցները լրատվամիջոցներին պատմել են, որ Ադրբեջանի տարածքում իր բռնապետությունը հաստատած Հեյդար Ալիևի ծննդյան օրը, որը բռնաճնշումներով էր պատասխանում իր երկրում յուրաքանչյուր ազատության շարժմանը, վախով են նշում Ադրբեջան պետության տարածքում, հատկապես՝ Բաքվում։ Ակտիվիստները նաև նշել են, որ որպես Բայրամի ընկերներ՝ նրա խոսքերը գրել են Հեյդար Ալիևի արձանի վրա՝ Մամեդովի հիշատակը վառ պահելու համար։ Նա, ըստ ակտիվիստների, ալիևյան ռեժիմի առաջին զոհը չէ և չի լինելու վերջինը, իսկ իրենք շարունակելու են պայքարել։
Էմմա Չոբանյան
