18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ղազախստանում հերքում են տարածվող լուրերը, թե երկիրը մտադիր է դուրս գալ ԵՏՄ-ից
Քաղաքականություն
11.05.2022 | 16:09
Սոցիալական ցանցերում տարածվող տեղեկությունները, թե Ղազախստանը ծրագրում է դուրս գալու Եվրասիական տնտեսական միությունից (ԵՏՄ), իրականությանը չեն համապատասպանում։ Այս մասին հայտնում է stopfake.kz կայքը, որը ստեղծվել է հանրապետության Տեղեկատվության և սոցիալական զարգացման նախարարության աջակցությամբ, փոխանցում է ՌԻԱ Նովոստին։
«Տելեգրամում տարածվում է հաղորդագրություն, որը Ղազախստանը նախաձեռնում է դուրս գալ ԵՏՄ Մաքսային միությունից: Պատճառը, իբր, «Ղազախստանի ու Ռուսաստանի միջև չլուծված տարաձայնություններն են»։ Դա սուտ է։ Այդ հաղորդագրությունը հերքել են Ղազախստանի Առևտրի և ինտերգրացիայի նախարարությունից»,- ասվում է հայտարարության մեջ։
Նշվում է, որ տարածվող լուրը հերքել են նաև ԱԳՆ-ից։
«Տարածված հաղորդագրության մեջ հեղինակը պնդում է, որ Ղազախստանը նախատեսում է դուրս գալ ԵՏՄ-ից ՝վկայակոչելով ինչ-որ սեփական աղբյուրների։ Դա ֆեյքի նախանշաններից մեկն է, քանի որ գրեթե անհնար է գտնել աղբյուրին և ճշտեք այն»,- ասվում է հայտարարության մեջ։
Հիշեցնենք, որ ԵՏՄ անդամ երկրներն են Հայաստանը, ՌԴ-ն, Բելառուսը, Ղազախստանը, Ղրղզստանը։
Էմմա Չոբանյան
