17.01.2026 | 18:59
Ստեփանծմինդա-Լարս ավտոճանապարհը բաց է
Հորդանան գետի արևմտյան ափին իսրայելցի զինվորները գնդակահարել են Al Jazeera-ի լրագրողին
Քաղաքականություն
11.05.2022 | 13:35
Իսրայելցի զինվորները Հորդանան գետի արևմտյան ափին գնդակահարել են «Al Jazeera»-ի լրագրող Շիրին Աբու Աքլեին։ Այս մասին հայտնել է հենց հեռուստաալիքը, լուրը հաստատել է նաև Պաղեստինի Առողջապահության նախարարությունը, գրում է ՏԱՍՍ-ը։
Գերատեսչությունը, մասնավորապես, հայտնել է, որ Շիրինը, որը լուսաբանում էր Ջենինում փախստականների ճամբարում բանակային շրջայցը, հրազենային վնասվածք է ստացել գլխի շրջանում․ ստացված վնասվածից նա մահացել է։ Հեռուստաալիքի տվյալներով՝ զինծառայողները մարտական զենք են կիրառել։
Al Jazeera-ն նշել է, որ թղթակիցը հատուկ բաճկոնով է եղել՝ «Մամուլ» մակագրությամբ, երբ կրակոցների տակ է հայտնվել։ Հայտնի է, որ վիրավորվել է նաև մեկ այլ լրագրող՝ Ալի ալ-Սամուդին։ Նրա վիճակը բժիշկները գնահատում են կայուն։
Տաթև Ֆռանգյան
