17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Ստամբուլի դատարանը մերժել է իրավապաշտպան Օսման Քավալայի գործով բողոքը
Քաղաքականություն
10.05.2022 | 21:02
Ստամբուլի քրեական դատարանը հաստատել է թուրք իրավապաշտպան Օսման Քավալայի նկատմամբ ապրիլի 25-ին հրապարակված ցմահ ազատազրկման վճիռը և մերժել նրա դեմ բողոքը, գրում է ՏԱՍՍ-ը։
«Ստամբուլի 14-րդ քրեական դատարանը քննարկել է ամբաստանյալի փաստաբանների ներկայացրած բողոքը։ Դատարանը որոշումն օրինական է ճանաչել և մերժել վճռի դեմ բողոքը։ Որոշումն ընդունվել է միաձայն»,- ասվում է դատարանի հաղորդագրության մեջ։
Թուրքիայի իշխանությունները Քավալային մեղադրել են 2013 թվականին Ստամբուլի Գեզի այգում ցույցերին մասնակցելու, ինչպես նաև 2016 թվականին հեղաշրջման փորձին մասնակցելու մեջ։ 2022 թվականի փետրվարին իրավապաշտպանն արդարացվել է «ստամբուլյան գործով», բայց, միաժամանակ, ձերբակալվել հեղաշրջման փորձին մասնակցելու մեղադրանքով։ Փորձագետների մեծամասնությունն ակնկալում էր, որ Քավալային կարդարացնեն նաև երկրորդ գործով, սակայն դատարանը նրան դատապարտել է ցմահ ազատազրկման։
ԱՄՆ-ը, մի շարք այլ երկրներ, ինչպես նաև միջազգային իրավապաշտպան կազմակերպություններ դատապարտել են թուրքական դատարանի վճիռը Քավալայի վերաբերյալ և կոչ են արել ազատ արձակել իրավապաշտպանին։
Հիշեցնենք, որ Օսմալ Քավալան ճանաչել է Հայոց ցեղասպանությունը և Հայաստանի հետ հարաբերությունների կարգավորման ակտիվիստ է եղել։
Տաթև Ֆռանգյան
