16.01.2025 | 09:30
Վայոց ձորի, Արագածոտնի մարզերում և Անիի տարածաշրջանում ձյուն է տեղում
Բերման ենթարկվածների թիվը հասավ 61-ի
Հասարակություն
10.05.2022 | 16:48
Երևանի տարբեր փողոցներում անցկացված անհնազանդության ակցիաների ընթացքում ժամը 16:00-ի դրությամբ ոստիկանական բաժիններ է բերման ենթարկվել 61 քաղաքացի։ Այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Քաղաքացիները բերման են ենթարկվել ՀՀ Վարչական իրավախախտումների վերաբերյալ օրենսգրքի 182-րդ հոդվածի հիմքով (ոստիկանության ծառայողների օրինական պահանջը չկատարելը):
ՀՀ ոստիկանությունը հաղորդագրություն է տարածել, որտեղ նշված, որ այս պահին մայրաքաղաքում փակված փողոցներ, խաչմերուկներ ու տրանսպորտային հանգույցներ չկան։
Հիշեցնենք՝ Երևանում այսօր չորս ուղղություններից քայլերթ է իրականացվել։ Քաղաքացիները փակել են մի շարք փողոցներ, ինչի ընթացքում ոստիկանության մեծաթիվ ծառայողներն ուժի գործադրմամբ բերման են ենթարկել ակցիայի մասնակիցների։
Ռոզա Վարդանյան
