28.02.2026 | 10:18
Լարս ավտոճանապարհը փակ է բոլոր տեսակի տրանսպորտային միջոցների համար
Նիդեռլանդների և Գերմանիայի ԱԳՆ ղեկավարները ժամանել են Ուկրաինա
Քաղաքականություն
10.05.2022 | 17:02
Գերմանիայի արտաքին գործերի նախարար Աննալենա Բուրբոքը երեքշաբթի ժամանել է Ուկրաինա։ Նա դարձել է Գերմանիայի կառավարության առաջին ներկայացուցիչը, որն այցելել է Ուկրաինա ՌԴ ռազմական գործողությունների մեկնարկից ի վեր։ Նրա այցի մասին նախապես չի հայտարարվել։ Հաղորդվում է, որ նա երկիր է ժամանել գնացքով, գրում է BBC-ի ռուսական ծառայությունը։
Reuters-ի հաղորդմամբ՝ Բուրբոքի առաջին կանգառը Կիևի Բուչա արվարձանն էր, որտեղ հայտնաբերվել են ջարդերի ապացույցներ: Այնուհետև նախատեսվում է նրա բանակցությունները Ուկրաինայի արտաքին գործերի նախարար Դմիտրի Կուլեբայի հետ։
Միաժամանակ, Ուկրաինա է ժամանել Նիդեռլանդների արտգործնախարար Վոպկե Հոկստրան։
Նրա խոսքով՝ իր այցը սկսել է Իրպենից՝ Կիևի շրջանում ՌԴ ռազմական գործողություններից առավել տուժած քաղաքներից մեկից։
«Ռմբակոծված տներն ու շենքերը ցույց են տալիս, թե ինչպես է պատերազմն ազդել այստեղ ապրող տղամարդկանց, կանանց և երեխաների վրա: Այս գործողությունները չեն կարող անպատիժ մնալ: Նիդեռլանդները հաստատակամ է ճշմարտությունը հաստատելու և արդարության հասնելու հարցում»,- գրել է նա Twitter-ում:
Տաթև Ֆռանգյան
