18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Խթանել և պահպանել կայունությունը Հայաստանում ու աշխարհում. լրանում է ՀՀ-ԵՄ համագործակցության 30 տարին․ ՏԵՍԱՆՅՈՒԹ
Քաղաքականություն
10.05.2022 | 16:00
Եվրոպական միություն-Հայաստան դիվանագիտական հարաբերությունների հաստատման 30-ամյակին նվիրված մամլո ասուլիսին մասնակցում են Եվրոպական միության պատվիրակության ղեկավար, դեսպան Անդրեա Վիկտորինը, Հայաստանի Հանրապետության արտաքին գործերի նախարարի տեղակալ Պարույր Հովհաննիսյանը և Հայաստանում Ֆրանսիայի արտակարգ և լիազոր դեսպան Անն Լույոն։ Եվրոպական միության և Հայաստանի միջև հարաբերությունները կարգավորվում են Համապարփակ և ընդլայնված գործընկերության համաձայնագրով, որը ստորագրվել է 2017թ. նոյեմբերի 24-ին և ուժի մեջ մտել 2021թ․ մարտի 1-ին:
Համապարփակ և ընդլայնված գործընկերության համաձայնագիրը նոր ամուր հիմք է ստեղծում՝ ընդլայնելու բարեփոխումների օրակարգը փոխադարձ հետաքրքրություն ներկայացնող ոլորտների ուղղությամբ:
Եվրոպական միությունը և Հայաստանը հանձնառու են աշխատել միասին՝ ի բարօրություն քաղաքացիների, և նպաստել ժողովրդավարության ամրապնդմանը, քաղաքական, տնտեսական և ինստիտուցիոնալ կայունությանը: Կողմերը նաև հանձնառու են տարածաշրջանային և միջազգային մակարդակներում խթանել, պահպանել և ամրապնդել խաղաղությունը և կայունությունը, ընդլայնել համագործակցությունը ազատության, անվտանգության և արդարադատության ոլորտներում՝ նպատակ ունենալով ամրապնդել իրավունքի գերակայությունը, մարդու իրավունքների և հիմնարար ազատությունների նկատմամբ հարգանքը:
Մանրամասները՝ տեսանյութում։
