16.01.2025 | 11:40
Երևանը ողջունում է Գազայում հրադադարի մասին համաձայնագիրը․ ՀՀ ԱԳՆ
«Սպեցնազը մտա´վ». ակցիայի մասնակիցներին բերման են ենթարկում․ ՏԵՍԱՆՅՈՒԹ
Հասարակություն
10.05.2022 | 14:26
Ընդդիմությունը շարունակում է փողոցային անհնազանդությունները․ Երևանում այս պահին չորս ուղղություններով քայլերթեր են իրականացվում։
«Դիմադրության» շարժման անդամները Քանաքեռ-Զեյթունում փակել են Պարույր Սևակ-Ռուբինյան փողոցների խաչմերուկը՝ նստելով գետնին: Մեծաքանակ ոստիկանական ուժերը մոտեցել են փողոցը փակած ցուցարարներին, սկսել բերման ենթարկել նրանց։ Բերման է ենթարկվել 35 քաղաքացի․ այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Հիշեցնենք՝ առաջին երթը մեկնարկել էր Գայի պողոտայից, երկրորդը՝ Րաֆֆու փողոցից՝ Անդրանիկի արձանի մոտից, երրորդը՝ 15 թաղամասից՝ Չաուշի արձանի մոտից և չորրորդը՝ Սասունցի Դավթի արձանի մոտից։ Ժամը 19.00-ին Ֆրանսիայի հրապարակում տեղի կունենա ընդդիմության հերթական հանրահավաքը։
Ռոզա Վարդանյան
