31.10.2026 | 22:55
Հայտնաբերվել է զինծառայողի դի. ՊՆ
«Ավրորայի լուսաբացը» ֆիլմի միջազգային պրեմիերան կկայանա հեղինակավոր փառատոնի շրջանակում
Մշակույթ
10.05.2022 | 16:15
Հայաստանի ազգային կինոկենտրոնի կողմից պետական աջակցություն ստացած, ռեժիսոր Իննա Սահակյանի «Ավրորայի լուսաբացը» վավերագրական անիմացիոն ֆիլմի միջազգային պրեմիերան տեղի կունենա անիմացիայի աշխարհի ամենահայտնի փառատոնում՝ ANNECY-ում։ «Ավրորայի լուսաբացը» ընտրվել է լիամետրաժ ֆիլմերի մրցութային ծրագրում. տեղեկացնում են ՀՀ ԿԳՄՍՆ-ից։
Ռեժիսոր և սցենարի հեղինակ՝ Իննա Սահակյան: Արտադրող ընկերություններ՝ «Բարս մեդիա», «Gebrueder Beetz Filmproduktion», «Artbox Laisvalaikio Klubas»:
Պրոդյուսերներ՝ Վարդան Հովհաննիսյան, Քրիստիան Բեթց, Ջասթի Միչաիլինեթ:
Յոթ տարի տևած աշխատանքներից հետո, վերջապես, աշխարհի դատին կհանձնվի Ավրորա Մարդիգանյանի հերոսական պատմությունը:
Նշենք, որ Ավրորա Մարդիգանյանը Հայոց ցեղասպանության դժոխքով անցնելուց հետո իր ցավը կրկին վերապրել է արդեն հոլիվուդյան համր ֆիլմում՝ հասկանալով, որ ֆիլմը մեծապես կնպաստի միջազգային ասպարեզում հայերի կոտորածների մասին տեղեկության տարածմանը։
