06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Գերմանացիները պատրաստվում են ռուսական գազի անջատմանը
Քաղաքականություն
10.05.2022 | 14:49
Գերմանիայի կառավարությունը գործողությունների գաղտնի ծրագիր է պատրաստում, եթե Ռուսաստանը միակողմանիորեն որոշի անջատել գազը, հայտնում է Reuters-ը՝ հղում անելով իր աղբյուրներին։
Ըստ Reuters-ի՝ ծրագիրը, որը պատրաստվում է Էկոնոմիկայի նախարարության կողմից, նախատեսում է վարկերի տեսքով հրատապ օգնություն էներգետիկ ընկերություններին, ինչպես նաև կառավարությանը վերահսկողության տակ առնելու էներգետիկ հիմնական ձեռնարկությունները:
Ապրիլին Գերմանիան օրենք է ընդունել, որը թույլ է տալիս կառավարությանը արտակարգ իրավիճակներում վերահսկողություն հաստատել էներգետիկ ընկերությունների վրա: Գերմանիան մեծապես կախված է խողովակաշարերի միջոցով ռուսական գազի մատակարարումից․ գերմանացիներին գազ է պետք ոչ միայն ջեռուցման և էլեկտրաէներգիա արտադրելու, այլև պողպատի և պլաստմասսայի արտադրության համար։
Գերմանիան ցանկանում է ազատվել ռուսական գազից իր կախվածությունից և ներկայում բանակցություններ է վարում, մասնավորապես՝ Կատարի հետ, հեղուկ գազի մատակարարումների կտրուկ ավելացման շուրջ, սակայն չի պատրաստվում անմիջապես ազատվել դրանից, այլ մինչև 2024 թվականի կեսերը։
Գերմանիայի Տնտեսական փորձագետների խորհրդի անդամ Ախիմ Տրյուգերը Rheinische Post-ին ասել է, որ եթե ռուսական գազի մատակարարումը հենց հիմա դադարեցվի, Գերմանիայում կես միլիոն մարդ կարող է կորցնել աշխատանքը, իսկ տնտեսությունը կհայտնվի ռեցեսիայի մեջ:
Տաթև Ֆռանգյան
