28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Հայաստան-ԵՄ դիվանագիտական հարաբերությունների 30-ամյակը․ԵՄ-ի, Ֆրանսիայի դեսպանների և ԱԳ փոխարտգործնախարարի ասուլիսը․ ՈՒՂԻՂ
Քաղաքականություն
10.05.2022 | 15:02
Մեկնարկել է Եվրոպական միություն-Հայաստան դիվանագիտական հարաբերությունների հաստատման 30-ամյակին նվիրված մամլո ասուլիսը։
Ասուլիսին մասնակցում են Եվրոպական միության պատվիրակության ղեկավար, դեսպան Անդրեա Վիկտորինը, Հայաստանի Հանրապետության արտաքին գործերի նախարարի տեղակալ Պարույր Հովհաննիսյանը և Հայաստանում Ֆրանսիայի արտակարգ և լիազոր դեսպան Անն Լույոն։ Նրանք հանդես կգան կարճ հայտարարություններով և կպատասխանեն լրատվամիջոցների հարցերին։
Հիշեցնենք՝ 2022 թ․ հունվարի 1-ին Ֆրանսիան ստանձնել է ԵՄ խորհրդի նախագահությունը, և այն միանում Եվրոպայի օրվա տարեկան տոնակատարության կազմակերպմանը։
Եվրոպական միություն-Հայաստան դիվանագիտական հարաբերությունների 30-ամյակին նվիրված միջոցառումների շրջանակում Շիրակի և Սյունիքի մարզերում տեղի կունենան մի շարք միջոցառումներ։
Եվրոպական միության և Հայաստանի միջև հարաբերությունները կարգավորվում են Համապարփակ և ընդլայնված գործընկերության համաձայնագրով, որը ստորագրվել է 2017թ. նոյեմբերի 24-ին և ուժի մեջ մտել 2021թ․ մարտի 1-ին:
Համապարփակ և ընդլայնված գործընկերության համաձայնագիրը նոր ամուր հիմք է ստեղծում՝ ընդլայնելու բարեփոխումների օրակարգը փոխադարձ հետաքրքրություն ներկայացնող ոլորտների ուղղությամբ: Եվրոպական միությունը և Հայաստանը հանձնառու են աշխատել միասին՝ ի բարօրություն քաղաքացիների, և նպաստել ժողովրդավարության ամրապնդմանը, քաղաքական, տնտեսական և ինստիտուցիոնալ կայունությանը: Կողմերը նաև հանձնառու են տարածաշրջանային և միջազգային մակարդակներում խթանել, պահպանել և ամրապնդել խաղաղությունը և կայունությունը, ընդլայնել համագործակցությունը ազատության, անվտանգության և արդարադատության ոլորտներում՝ նպատակ ունենալով ամրապնդել իրավունքի գերակայությունը, մարդու իրավունքների և հիմնարար ազատությունների նկատմամբ հարգանքը:
