20.11.2024 | 10:02
WTI տեսակի նավթի գինն աճել է
Ռուսական նավթի փոխադրման արգելքը կբացառվի ԵՄ պատժամիջոցների վեցերորդ փաթեթից․ Financial Times
Քաղաքականություն
10.05.2022 | 15:35
Բրյուսելը մտադիր է պատժամիջոցների նոր փաթեթից բացառել եվրոպական դատարանների կողմից սահմանված ռուսական նավթի՝ երրորդ երկրներ փոխադրելու արգելքը՝ ԵՄ անդամ որոշ երկրների մտահոգություններով պայմանավորված, որոնք կապված են նման միջոցների տնտեսական հետևանքների հետ։ Այս մասին գրում են Bloomberg-ը և Financial Times-ը՝ վկայակոչելով սեփական աղբյուրներին։
Նման արգելքի առաջարկը ներկայացվել էր անցյալ շաբաթ Ռուսաստանի դեմ պատժամիջոցների վեցերորդ փաթեթի քննարկումների ժամանակ, որը նախատեսում է նավթի ներկրման փուլային էմբարգո, սակայն այն մերժվել է Եվրահանձնաժողովի կողմից Մալթայի և Հունաստանի ծանր լոբբինգից հետո, որոնց բաժին է ընկնում ընդհանուր ծավալների կեսից ավելին, FT-ին հայտնել է բանակցություններին ծանոթ մի քանի աղբյուր:
Երրորդ երկրներ փոխադրումների արգելքը դիտվում է որպես ՌԴ իշխանությունների կողմից նավթի էմբարգոյի հետևանքների մեղմումը կանխելու միջոց, սակայն ԵՄ անդամ որոշ երկրներ վերջին օրերին բանակցությունների ընթացքում պնդել են, որ այլ երկրներ, ինչպիսիք են ԱՄՆ-ը և Մեծ Բրիտանիան, պետք է միանան արգելքին, որոնք, իրենց հերթին, կարող են ազդեցություն ունենալ այն պետությունների վրա, որոնց դրոշների ներքո նավարկում է նավթատար լցանավերի մեծ մասը։
Bloomberg-ն էլ նշում է, որ «Մեծ յոթնյակի» երկրների միջև ընդհանուր դիրքորոշման բացակայությունը եղել է առաջարկի մերժման հիմնական պատճառը։
Բրյուսելը եվրոպական ընկերություններին առաջարկել է նաև արգելել ռուսական նավթ տեղափոխող նավերի ապահովագրումը։ Ակնկալվում է, որ այս դրույթը կպահպանվի՝ չնայած ԵՄ անդամ որոշ երկրների դժգոհությանը, գրում է FT-ն։
Տաթև Ֆռանգյան
