26.11.2024 | 18:24
Հայաստանի խնդրանքով ԵՏՄ գագաթնաժողովը կանցկացվի Սանկտ Պետերբուրգում․ Ուշակով
ԵՄ Խորհրդի նախագահ Շառլ Միշելը ժամանել է Օդեսա
Քաղաքականություն
09.05.2022 | 17:12
Եվրոպական խորհրդի նախագահ Շառլ Միշելը ժամանել է Օդեսա։ Այս մասին նա հայտնել է թվիթերյան գրառմամբ՝ նշելով, որ այնտեղ որոշել է նշել Եվրոպայի օրը, քանի որ նույնիսկ Պուշկինն է նշել Օդեսայի եվրոպական ոգին, փոխանցում է BBC-ի ռուսական ծառայությունը։
«Իսկ այսօր ուկրաինացիները պատսպարում են հուշարձանները գնդակներից ու հրթիռներից և պաշտպանում իրենց ազատությունը ռուսական ագրեսիայից։ Դուք մենակ չեք։ ԵՄ-ն ձեզ հետ է»,- գրել է նա Թվիթերում:
Դեռ ապրին Միշելն այցելել էր Բուչա՝ ռուսական ներխուժման հետևանքներին ծանոթանալու։ Ուկրաինայի նախագահ Վլադիմիր Զելենսկին նրա հետ այս անգամ խոսել է տեսակապի միջոցով։
«Ես բարձր եմ գնահատում Եվրոպական խորհրդի նախագահի խիզախ դիրքորոշումը և նրա ներկայությունը Օդեսայում։ Ես երախտապարտ եմ ԵՄ-ի կողմից մեր երկրին շարունակական աջակցության համար շատ ոլորտներում»,- գրել է Զելենսկին։
Էմմա Չոբանյան
