15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Մոսկվայում զանգվածային խուզարկություններ և ձերբակալություններ են տեղի ունեցել
Քաղաքականություն
09.05.2022 | 14:25
Մայիսի 9-ի գիշերը ՌԴ անվտանգության ուժերը խուզարկություններ են իրականացրել Մոսկվայում և բերման ենթարկել մի քանի ակտիվիստների, լրագրողների ու իրավապաշտպանների։ Այս մասին գրում է DW-ի ռուսական ծառայությունը՝ հղում անելով OVD-Info-ին։
Մայիսի 8-ի երեկոյան ոստիկանությունն այցելել է հանրային պաշտպան Տիմոֆեյ Վասկինի բնակարան։ Անվտանգության աշխատակիցները չեն հայտնել այցի պատճառը։ OVD-Info-ի փաստաբան Յուլիա Կուզնեցովան պատմել է, որ ոստիկանն իրեն հրել է և փակել դուռը։ Ավելի ուշ հայտնի դարձավ, որ Վասկինի բնակարանը խուզարկվում է։
Խուզարկությունը տեղի է ունեցել OVD-Info-ի մեկ այլ պաշտպան Դարիա Պակի բնակարանում։ Ինքը՝ Պակը, Ռուսաստանում չէ, բնակարանում նրա մայրն է եղել։ Խուզարկությունը կապված է Սանկտ Պետերբուրգի «Վեսնա» շարժման դեմ հարուցված գործի հետ։
Անվտանգության ուժերը բերման են ենթարկել նաև «Սկատ մեդիայի» լրագրող Անգելինա Ռոշչուպկոյին։ Թե ինչի հետ է այն կապված, անհայտ է։ Երկուսն էլ տարվել են Քննչական կոմիտե՝ հարցաքննության։
Եվս մեկ խուզարկություն է տեղի ունեցել Կոռուպցիայի դեմ պայքարի հիմնադրամի նախկին աշխատակից Իվան Դրոբոտովի բնակարանում, Twitter-ում հայտնել է Ուսուցիչների դաշինքի արհմիության ղեկավար Դանիիլ Քենը։
Տաթև Ֆռանգյան
