26.11.2024 | 18:42
Երեք ընդդիմադիր կուսակցություններ դիմել են Վրաստանի ԿԸՀ՝ իրենց պատգամավորական ցուցակները չեղարկելու համար
Մոսկվայում Պուտինը ներկա է եղել ռազմական շքերթին և կրկին խոսել Ուկրաինա ներխուժման մասին
Քաղաքականություն
09.05.2022 | 13:42
ՌԴ նախագահ Վլադիմիր Պուտինը Մոսկվայում մասնակցել է Երկրորդ համաշխարհային պատերազմում Խորհրդային Միության հաղթանակի կապակցությամբ անցկացված ռազմական շքերթին։ Պուտինը ելույթ է ունեցել և կրկնել իր թեզը, որ հրաման է տվել հարձակվել Ուկրաինայի վրա, քանի որ վախենում է, որ Ուկրաինան կհարձակվի Ռուսաստանի վրա, գրում է BBC-ի ռուսական ծառայությունը։
«Դոնբասում բացահայտորեն հերթական պատժիչ գործողության էին նախապատրաստվում՝ մեր պատմական հողեր, այդ թվում՝ Ղրիմ ներխուժելու համար։ Կիևում հայտարարում էին միջուկային զենքի հնարավոր ձեռքբերման մասին։ ՆԱՏՕ-ն սկսել էր ակտիվ ռազմական զարգացում մեր հարակից տարածքներում»,- ուրվագծել է Պուտինը իրավիճակի իր տեսլականը։
Նա հավելել է, որ «Ռուսաստանը կանխարգելիչ հակահարված տվեց ագրեսիային», և հայտարարել, որ իրենք պատերազմ են մղում Արևմուտքի հետ «ավանդական արժեքների համար»։
Շքերթի օդային հատվածը չեղարկվել է՝ եղանակային պայմանների պատճառով։
