17.01.2026 | 15:38
20 տարի առաջ այս օրը Օվեչկինը խփել է NHL-ի պատմության ամենագեղեցիկ գոլերից մեկը․ ՏԵՍԱՆՅՈՒԹ
ԱՄՆ առաջին տիկին Ջիլ Բայդենն անսպասելի այցելել է Ուկրաինա
Քաղաքականություն
09.05.2022 | 12:40
ԱՄՆ առաջին տիկին Ջիլ Բայդենը կիրակի անսպասելի այցով ժամանել է Ուկրաինայի արևմտյան Ուժգորոդ քաղաք։ Մինչ այդ նա եղել է Ռումինիայում և Սլովակիայում, հայտնում է Euronews-ը։
Ուժգորոդում նրան դիմավորել է Ուկրաինայի նախագահի կինը՝ Ելենա Զելենսկայան, ում հետ զրույցում Ջիլ Բայդենն ասել է, որ ցանկանում էր այստեղ գալ Մայրության օրը։ Նա նաև նշել է, որ «կարևոր է համարում ցույց տալ ուկրաինացի ժողովրդին, որ այս պատերազմը պետք է դադարեցվի, որ այն սարսափելի է, և որ Միացյալ Նահանգների ժողովուրդը կանգնած է Ուկրաինայի ժողովրդի կողքին»։
Ջիլ Բայդենը մոտ երկու ժամ է անցկացրել Ուկրաինայում, որից հետո վերադարձել է Սլովակիա։
Նույն օրը Կանադայի վարչապետ Ջասթին Թրյուդոն այցելել է Կիևի շրջանի Իրպին քաղաք՝ նույնպես չնախատեսված այցով։ Իրպինի քաղաքապետը, որը հանդիպել է հյուրին, նշել է, որ քաղաքի ենթակառուցվածքները վերականգնելու հարցում հույսը դնում է Կանադայի օգնության վրա։
Տաթև Ֆռանգյան
