28.07.2026 | 23:02
«Կարևոր է ակտիվացնել դիվանագիտական գործընթացը»․ Զելենսկին՝ Թրամփի հետ հանդիպման արդյունքների մասին
«Ղրիմի կամուրջը կոչնչացվի, դա ժամանակի հարց է». Ուկրաինայի ՆԳՆ ղեկավարի խորհրդական
Քաղաքականություն
09.05.2022 | 13:00
«Ղրիմի կամուրջն անպայման կոչնչացվիի, դա ժամանակի հարց է»,- նման հայտարարություն է արել Ուկրաինայի ՆԳՆ ղեկավարի խորհրդական Վիկտոր Անդրուսիվը։ Նրա խոսքով՝ ուկրաինական բանակն արդեն ունի անհրաժեշտ սպառազինություն առաջադրանքը կատարելու համար, սակայն զինվորականներին անհրաժեշտ է շատ ավելի մոտենալ Ազովի ծովի ափին», գրում է VOA-ն։
Ուշագրավ է, որ մի քանի օր առաջ համացանցում հայտնվել է Ղրիմի կամրջի կործանման հետհաշվարկով մի կայք։ Դա, իբր, պետք է տեղի ունենա մայիսի 9-ին։
Ավելի վաղ Լատվիայի զինված ուժերի ներկայացուցիչ Յանիս Սլայդինսը նույնպես կարծիք էր հայտնել, որ ուկրաինացի զինվորականները կարող են այդ օրը հարվածել Ղրիմի կամրջին։ Նա կամուրջն անվանել է «շատ կարևոր ռազմավարական օբյեկտ, որի վնասումը լուրջ հարված կլինի Ռուսաստանին, քանի որ կամրջով զենք է մատակարարվում ռազմական գործողությունների ողջ հարավային ուղղությամբ»։
Ռուսաստանը Ղրիմի հետ կապող կամուրջը շահագործման է հանձնվել 2019 թ.։ Դրա երկարությունը գրեթե 19 կիլոմետր է, շինարարության մոտավոր արժեցել է 250 միլիարդ ռուբլի։
2022 թվականի փետրվարին Ուկրաինայի տարածքում ռազմական գործողությունների սկզբից ռուսական բանակն ամբողջությամբ օկուպացրել է Ազովի ծովի ափը, ինչը թույլ է տալիս Ռուսաստանի Դաշնությանը ներկայումս վերահսկել ինչպես ցամաքային, այնպես էլ ծովային ուղիները դեպի Ղրիմի թերակղզի։
Տաթև Ֆռանգյան
