20.11.2024 | 09:31
ՀՀ տարածքում ավտոճանապարհներն անցանելի են
Ծանրորդ Սուրեն Գրիգորյանն արծաթե մեդալ է նվաճել աշխարհի առաջնությունում
08.05.2022 | 11:23
Հունաստանի Իրակլիոն քաղաքում ընթացող ծանրամարտի երիտասարդների աշխարհի առաջնությունում Հայաստանը երեկ հերթական մեդալը նվաճեց:
89 կգ քաշային Սուրեն Գրիգորյանը երկամարտի 340 կգ արդյունքով գրավեց 2-րդ տեղը և նվաճեց արծաթե մեդալ: Մեր մարզիկը պոկում վարժությունում 155 կգ արդյունքով գրավեց 3-րդ տեղը և արժանացավ փոքր բրոնզե մեդալի: Հրում վարժությունում նա 185 կգ արդյունքով դարձյալ նվաճեց փոքր բրոնզե մեդալ:
Աշխարհի չեմպիոն հռչակվեց ուկրաինացի Մաքսիմ Դոմբրովսկին (345 կգ):
Այս քաշային կարգում հանդես եկած մեր մյուս ծանրորդ Գևորգ Ղահրամանյանը հրում վարժությունում զրո ստացավ և դուրս մնաց հաշվարկից:
Այսօր Հայաստանից հանդես կգան Միլենա Խաչատրյանը (81 կգ, աղջիկներ) և Գարիկ Կարապետյանը (96 կգ):
