22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
ՌԴ ԱԳՆ-ն՝ Երևանի ցույցերի և Բաքվի հետ խաղաղության մասին․ Ջհանգիրյանը կշարունակի պաշտոնավարել․ Լուրեր
Տեսանյութեր
06.05.2022 | 19:00
- Ռուսաստանի ԱԳՆ ներկայացուցիչ Ալեքսեյ Զայցևը անդրադարձել է Հայաստանում ընդդիմության քայլերին ու հայտարարել է, որ եթե խոսքը Ադրբեջանի հետ հարաբերությունների կարգավորման վրա Հայաստանի ներսում վիճելի հարցերի ազդեցության մասին է, ապա խոսքը ոչ թե պայմանավորվածություններին ընդդիմության վերաբերմունքի, այլ հանրապետության ղեկավարության հայտարարությունների ընկալման մասին է։
- Ընդդիմության այս օրերի ակցիաների առաջնորդներից Իշխան Սաղաթելյանը հայտարարել է, որ այսօրվա ակցիաներով Երևանը չորս ուղղություններով պարալիզացրել են, և երբ ուզեն, որ փողոցն ու հրապարակն ուզեն կարող են փակել, ոստիկանությունը չի կարող իրենց կանգնեցնել։
- Քննչական կոմիտեից հայտնել են, որ ընդդիմության երթերից մեկի մասնակիցների առնչությամբ քրեական գործ են հարուցել՝ խուլիգանության հատկանիշներով։ Կոմիտեից հայտնել են, որ երթի մասնակիցներից մի քանիսը փորձել են ճեղքել ոստիկանական կենդանի պատն ու մուտք գործել Չարենցի փողոցի տներից մեկը։ Հրապարակված տեսանյութում երևում է, որ տանը գտնվողների և երթի մասնակցիների միջև վեճ է եղել, որին միջամտել է ոստիկանությունը։
- Սահմանադրական դատարանը սահմանադրական է ճանաչել Գագիկ Ջհանգիրյանի ժամանակավոր պաշտոնավարումը՝ Բարձրագույն դատական խորհրդի նախագահի պաշտոնում։ Factor.am-ին հայտնել է ՍԴ մամուլի քարտուղար Եվա Թովմասյանը։ Ջհանգիրյանի պաշտոնավարման սահմանադրականությունը վիճարկել էր ԱԺ «Հայաստան» խմբակցությունը։
Այս ժամի լուրերը՝ տեսանյութում։
