08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Թուրքիան ոչնչացրեց ԵՄ-ին անդամակցելու հույսերը՝ Էրդողանի քննադատին ցմահ ազատազրկելով․ Եվրախորհրդարանը բանաձև է ընդունել Քավալայի գործով
Քաղաքականություն
06.05.2022 | 19:16
Թուրքիան միտումնավոր ոչնչացրել է ԵՄ-ին անդամակցելու իր հնարավորությունները՝ բանտարկելով նախագահ Ռեջեփ Թայիփ Էրդողանի քննադատ Օսման Քավալային։ Այս մասին հայտարարել է Եվրախորհրդարանը, գրում AFP-ն, որին վկայակոչում է TurkishMinute-ը։
Նշվում է, որ Եվրախորհրդարանի պատգամավորներն ընդունել են բանաձև, որը խստորեն դատապարտում է իրավապաշտպան Քավալային ցմահ ազատազրկման դատապարտելու՝ դատարանի որոշումը։
«Թուրքիայի ներկայիս կառավարությունը միտումնավոր ոչնչացրել է ԵՄ-ի անդամակցության գործընթացի վերաբացման կամ ներկա պայմաններում նոր գլուխներ բացելու և բացերը փակելու հույսերը»,- ասվում է բանաձևում:
Նշվում է, որ Քավալայի ազատազրկումն «անարդար է, անօրինական և ապօրինի», և նա պետք է անհապաղ ազատ արձակվի։ ԵՄ միջազգային գործընկերության հարցերով հանձնակատար Ջութթա Ուրփիլաինենն ասել է Եվրախորհրդարանին, որ այս դատավճիռը «վախեցնող նախազգուշացում է Թուրքիայում քաղաքացիական հասարակության տարածքի կրճատման համար»։
ԵՄ-ին անդամակցության բանակցությունները վերսկսելու՝ Թուրքիայի հայտը փակուղի է մտել, քանի որ Բրյուսելի և Անկարայի միջև սուր լարվածություն է բռնկվում բազմաթիվ հարցերի շուրջ, ներառյալ՝ վերջին տարիներին Էրդողանի կառավարման օրոք ուժեղացված բռնաճնշումների պատճառով։
Էմմա Չոբանյան
