16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Չինաստանի 18 ինքնաթիռներ ներխուժել են Թայվանի ռազմաօդային տարածք․ Թայվանի ՊՆ
Քաղաքականություն
06.05.2022 | 18:24
Թայվանի ռազմաօդային ուժերը ուրբաթ փորձել են նախազգուշացնել չինական 18 ինքնաթիռների հրամանատարներին, որոնք ներխուժել են նրա հակաօդային պաշտպանության գոտի, հայտարարել է Թայվանի Պաշտպանության նախարարությունը։ Al Arabian նշում է, որ սա սովորական դարձած ներխուժումների մասն է, որը զայրացրել է Թայբեյի կառավարությանը:
Թայվանը, որը Չինաստանը համարում է իր սեփական տարածքը, բողոքել է չինական ինքնաթիռների կողմից նման միջադեպերի կրկնությունից, որոնք սովորական երևույթ են դարձել վերջին շուրջ երկու տարիներին:
Թայվանը ներկայում գտնվում է բարձր տագնապային վիճակում՝ մտավախությունների պատճառով, որ Չինաստանը կարող է օգտագործել Ռուսաստանի ներխուժումն Ուկրաինա՝ կղզում նմանատիպ ռազմական քայլի գնալու համար, թեև Թայբեյի կառավարությունը չի գրանցել որևէ նշան, որը կվկայեր Պեկինի կողմից հարձակման նախապատրաստվելու մասին:
Հիշեցնենք, որ ապրիլի կեսերին Չինաստանը զորավարժություններ է սկսել Թայվանի մոտ։ Դա տեղի է ունեցել այն բանից հետո, երբ Սպիտակ տունը հավանություն է տվել Թայվանին ռազմական օգնության մեծ փաթեթին։
Տաթև Ֆռանգյան
