28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Թուրքիայի Սահմանադրական դատարանը մայիսի 12-ին կսկսի քրդամետ կուսակցության լուծարման գործի քննությունը
Քաղաքականություն
06.05.2022 | 20:51
Թուրքիայի Սահմանադրական դատարանը մայիսի 12-ին կսկսի ըստ էության քննել քրդամետ Ժողովուրդների դեմոկրատական կուսակցության (ԺԴԿ) լուծարման վերաբերյալ գործը, հաղորդում է ՏԱՍՍ-ը։
ԺԴԿ-ի դեմ գործը հարուցվել է 2021 թվականի հունիսին Թուրքիայի Գլխավոր դատախազության կողմից՝ «անջատողական գործունեության» և արգելված Քրդական աշխատավորական կուսակցության (PKK) հետ կապերի մեղադրանքով։ Սահմանադրական դատարանը մի շարք դատավարական խնդիրների պատճառով նախկինում գործը վերադարձրել էր վերանայման, ապրիլին կուսակցությունը դատարանին գրավոր պաշտպանություն էր ներկայացրել։
Միևնույն ժամանակ, ԺԴԿ-ի ղեկավարությունը գործընթացը որակել է քաղաքական դրդապատճառներով և սահմանադրությանը հակասող։
Մեղադրող և պաշտպանական կողմերի փաստաթղթերի ուսումնասիրությունից հետո Սահմանադրական դատարանը կորոշի օրը, երբ դատավարությանը ելույթ կունենան Թուրքիայի վերաքննիչ դատարանի գլխավոր դատախազը և ԺԴԿ-ի ներկայացուցիչները։ Դրանից հետո ՍԴ զեկուցողը, որը պատասխանատու է գործի քննության համար, կպատրաստի վերջնական զեկույց և այն կներկայացնի Թուրքիայի բարձրագույն դատարանի հաստատմանը։
ԺԴԿ-ի լուծարման մասին որոշումը կհամարվի ընդունված, եթե դրան կողմ քվեարկի Թուրքիայի Սահմանադրական դատարանի անդամների երկու երրորդը (15 անդամից 10-ը)։
Տաթև Ֆռանգյան
