16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ոստիկանները բռնի ուժով բերման են ենթարկում ցուցարարներին՝ փորձելով բացել խաչմերուկը. ՏԵՍԱՆՅՈՒԹ
Հասարակություն
06.05.2022 | 13:59
«Հայաստան» դաշինքի ներկայացուցիչ Իշխան Սաղաթելյանի գլխավորությամբ Արգիշտի-Մաշտոց-Հաղթանակի կամուրջ հանգույցը փակած «Դիմադրություն» շարժման մասնակիցների և ոստիկանների միջև քաշքշուկ սկսվեց։
Իրավիճակը լարվեց, ոստիկանները բռնի ուժ էին կիրառում և բերման ենթարկում ցուցարարներին։
Ցուցարարների երթի ընթացքում բերման ենթարկվեց նաև նախկին ոստիկանապետ Վալերի Օսիպյանը:
Մայրաքաղաքի այս հատվածից, ընդհանուր առմամբ, բերման է ենթարկվել 48 քաղաքացի։ Այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Հանդարտվելուց հետո ցուցարարները սկսեցին առաջ շարժվել։
Նշենք, որ «Հայաստան» դաշինքի ներկայացուցիչներ Իշխան Սաղաթելյանը, Արամ Վարդևանյանի, Աննա Գրիգորյանի և նրանց համախոհների երթը մեկնարկել է Մաշտոցի պողոտայից և շարժվում է դեպի Ամիրյան փողոց։
Մանրամասները՝ տեսանյութում:
