06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ձեր արածը մեծացնում է Ադրբեջանի ներկայացրած փաթեթը միջազգային դատարանում․ Վարդանյանը՝ ընդդիմությանը
Քաղաքականություն
06.05.2022 | 13:31
«Հայաստան» դաշինքը, որը երկրում իշխանությունը վերցնելու հայտ է ներկայացրել, չի մասնակցել տեղական ինքնակառավարման մարմինների որևէ ընտրության: Այս մասին ԱԺ նիստի ընթացքում ասաց ԱԺ պետական-իրավական հանձնաժողովի նախագահ Վլադիմիր Վարդանյանը:
«Քաղաքական կյանքն իրենց չի հետաքրքրում: «Հայաստան» դաշինքը չի մասնակցում նաև խորհրդարանական կյանքին: ԱԺ 12 հանձնաժողովից երեքն ընդդիմությանն են: Դրանց գործունեության շրջանակներում առնվազն կարելի էր ծավալել խորհրդարանական վերահսկողություն:
Հրաժարվել քաղաքական կյանքին մասնակցելուց, հրաժարվել քաղաքական որոշումներ կայացնելուց և փողոցային պայքարի իմիտացիա ստեղծել կարող է միայն կառույց, որը սպասարկում է ինչ-որ շահեր»,- նշեց Վարդանյանը:
Պատգամավորն ընթացող գործընթացը, ըստ պատգամաորի, մեծ վտանգ է ներկայացնում Հաագայի միջազգային դատարանում քննվող գործի հետ կապված:
«Արտահայտություններ են անում՝ որակելով մեզ որպես օտար պետության ներկայացուցիչների: Հասկանո՞ւմ են, որ սա ուղղակի մեծացնում է ադրբեջանական այն փաթեթը, որն իրենց հակընդդեմ հայցով ներկայացվելու է Հաագայի դատարան Ռասայական խտրականության բոլոր ձևերի վերացման մասին կոնվենցիայի քննարկման շրջանակում»,- նշեց Վարդանյանը:
Մանրամասները՝ տեսանյութում:
