09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Թալանը վերադարձնելու համար պարտադիր չէ իշխանության գաք․ Սոնա Ղազարյանը Գագիկ Խաչատրյանի առանձնատան գործի մասին. ՏԵՍԱՆՅՈՒԹ
Քաղաքականություն
06.05.2022 | 13:15
«Թալանը վերադարձնելու համար պարտադիր չէ իշխանության գաք»,- ԱԺ արտահերթ նիստում այս մասին նշեց գումարել «Քաղաքացիական պայմանագիր» խմբակցության պատգամավոր Սոնա Ղազարյանը խորհրդարանում անդրադառնալով ԱՄՆ արդարադատության նախարարության կողմից սկսված գործընթացին, որը վերաբերում է ՀՀ ՊԵԿ նախկին նախագահ, ֆինանսների նախկին նախարար Գագիկ Խաչատրյանին:
Հիշեցնենք, որ ԱՄՆ դաշնային կառավարությունը ցանկանում է առգրավել Լոս Անջելեսի հեղինակավոր Հոլմի Հիլզ թաղամասում գտնվող մեգաառանձնատունը, որը, պնդման համաձայն, գնվել է միլիոնավոր դոլար կաշառքներով։ Դրանք վճարվել են Գագիկ Խաչատրյանին և իր որդիներին:
«Ըստ տարածված տեղեկության՝ առանձնատունը ձեռք է բերվել կոռուպցիոն սխեմայից ձևավորված եկամուտներով: Ինչպես նախկինում, այնպես էլ հիմա պնդում եմ, որ թալանը վերադարձնելու համար ամենևին մեր ընդդիմադիր գործիչները հարկ չէ, որ իշխանություն դառնան, այլ ընդամենը կարող են ցանկացած իրավապահ համակարգի ներկայացուցչի մոտենալ և ներկայացնել, թե ինչպես են կառուցել իրենց առանձնատները, որոնք գտնվում են մեր աչքերի առաջ:
Իսկ այս քրեական գործի շրջանակներում, որը հարուցվել է 2020 թվականին ՀՀ-ում, ըստ հաղորդագրության, նախկին պատգամավոր-գործարարը 20 միլիոն դոլար կաշառք է տվել պարոն Խաչատրյանին և իր որդիներին: Այդ գումարը փաստորեն ուղղվել է արտերկիր, մասնավորապես, Լոս Անջելես տուն կառուցելու նպատակով:
Ուզում եմ հիշեցնել, որ այս գործը քննվում է ԱՄՆ-ի կողմից նախաձեռնված՝ «Գողապետության ակտիվների վերականգնման նախաձեռնության» շրջանակում, որտեղ ԱՄՆ-ը աջակցում է կառավարություններին պայքարել կոռուպցիայի դեմ»,- նշեց Ղազարյանը՝ հույս հայտնելով, որ շուտով թալանը կոպեկ առ կոպեկ կվերադարձվի:
Մանրամասները՝ տեսանյութում:
