18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Արաբկիրում կատարված 35-ամյա կնոջ սպանությունը բացահայտվել է․ ամուսինը ձերբակալվել է
Հասարակություն
05.05.2022 | 23:19
Մայիսի 25-ին Արաբկիրի ոստիկանները Ադոնցի փողոցի 6-րդ շենքի բնակարաններից մեկում հայտնաբերեցին 35-ամյա տանտիրուհու դին, որի պարանոցին և դեմքին բռնության հետքեր կային: Դեպքի վերաբերյալ հաղորդումը ոստիկանության Արաբկիրի բաժնում ստացվել էր շտապօգնության ենթակայանից՝ ժամը 2-ի սահմաններում:
Ձեռնարկված օպերատիվ միջոցառումներով քրեական հետախույզները տեղեկություններ ստացան, որ ժամեր առաջ բնակարանում տանտիրուհին վիճել էր ամուսնու հետ, և հենց նա էլ կյանքի հետ անհամատեղելի վնասվածքներ էր պատճառել կնոջը:
Ոստիկանության մի շարք ստորաբաժանումների ծառայողներ համագործակցեցին՝ կասկածվողին արագ հայտնաբերելու նպատակով: Զուգահեռ իրականացվեց նաև բացատրական աշխատանք։ Արդյունքում՝ 31-ամյա տղամարդը ժամը 10-ի սահմաններում ներկայացավ ոստիկանության Արտաշատի բաժին, ապա տեղափոխվեց Երևան:
Նա ներկայացվել է տարածքային քննչական մարմնին, տվել խոստովանական ցուցմունք ու ձերբակալվել: Նշանակվել են փորձաքննություններ։ Դեպքի հանգամանքները պարզվում են սպանության հատկանիշներով հարուցված քրեական գործի շրջանակներում։
