07.08.2026 | 23:30
ԱՄՆ էներգետիկայի դեպարտամենտի պատվիրակությունն այցելել է Հայկական ատոմային էլեկտրակայան
Վկաների 99 %-ն իմ օգտին ցուցմունք է տալիս, մյուսներին բռի մեջ ինձնից մեկուսացված են պահում. Հովսեփյան․ ՏԵՍԱՆՅՈւԹ
Հասարակություն
05.05.2022 | 18:54
Երևանի ընդհանուր իրավասության դատարանում՝ դատավոր Մնացական Մարտիրոսյանի նախագահությամբ, այսօր քննարկվում է ՀՀ նախկին գլխավոր դատախազ, ՀՀ քննչական կոմիտեի նախկին նախագահ Աղվան Հովսեփյանի խափանման միջոցի հարցը։
«Մեզ համար պետք է պարզելի լինի՝ 16 հատոր որ պահել են, ինչ կա այդ գործերի մեջ, որ չեն ուղարկել դատարան: Կարող է այնտեղ այն մարդկանց ցուցմունքներն են, որոնցից ոչ մի բան չեն կարողացել «պոկել»: Ես հատ-հատ գիտեմ, թե ում են կանչել հարցաքննության»,- նշեց Հովսեփյանը:
«Գործով քննված վկաների 99 %-ն իմ օգտին ցուցմունք է տալիս, մյուսներին բռի մեջ ինձնից մեկուսացված են պահում, ես ո՞ւմ վրա պետք է ազդեմ»,- ընդգծեց Հովսեփյանը:
Հիշեցնենք՝ Աղվան Հովսեփյանին առնչվող քրեական գործի նախաքննությամբ ապացուցվել է՝ Հովսեփյանը պաշտոնավարման տարիներին օրինականացրել է ավելի քան 1 միլիարդ 300 միլիոն դրամ, մասնակցել է ձեռնարկատիրական գործունեություն իրականացնող մի շարք ընկերությունների կառավարմանը, ստացել առանձնապես խոշոր չափերով` 190 միլիոն դրամ կաշառք և խարդախությամբ հափշտակել է 800 միլիոն դրամի գույք։
Նշենք, որ Աղվան Հովսեփյանը մեղադրանքը չի ընդունում: Նրա պաշտպանները պնդում են, որ Հովսեփյանն ակնհայտ ապօրինի պահվել է կալանքի տակ եւ պահանջում են այդ առիթով քրեական գործ հարուցել:
Մանրամասները՝ տեսանյութում։
