14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ուկրաինական բանակը հակահարձակում է սկսել մի քանի ուղղություններով․ Զալուժնի
Քաղաքականություն
05.05.2022 | 18:02
Ուկրաինայի զինված ուժերի գլխավոր հրամանատար Վալերի Զալուժնին հայտնել է, որ բանակը հակահարձակում է սկսել մի քանի ուղղություններով։ Այս մասին նա ասել է ամերիկացի գեներալ Մարկ Միլիի հետ զրույցից հետո, գրում է BBC-ի ռուսական ծառայությունը։
«Ես իմ ամերիկացի գործընկերոջը տեղեկացրել եմ օպերատիվ իրավիճակի մասին, մասնավորապես՝ թշնամու հիմնական ջանքերի տեղափոխման մասին Լուգանսկի ուղղությամբ, որտեղ շարունակվում են կատաղի մարտերը Պոպասնա, Կրեմեննայա և Տորսկի շրջաններում, ինչպես նաև Ուկրաինայի պաշտպանության ուժերի՝ Խարկովի և Իզյումի ուղղություններով հակահարձակողական գործողությունների անցման մասին»,- ասվում է հաղորդագրությունում։
Բացի այդ, Զալուժնին ուշադրություն է հրավիրել այն փաստի վրա, որ ռուսական բանակը վերսկսել է թևավոր հրթիռների կիրառումը։
«Այդ գործողությունների հիմնական նպատակն է՝ ոչնչացնել Ուկրաինային ռազմատեխնիկական օգնություն տրամադրելու նյութատեխնիկական ուղիները: Այսպիսով, մայիսի 3-ին օրվա ընթացքում հակառակորդը կիրառել է 14 թևավոր հրթիռ, որոնք արձակվել են Կասպից ծովից ՏՈՒ-160 ռազմավարական ռմբակոծիչներից։ Երեկ երեկոյան մեր տարածքում արձանագրվել է թևավոր հրթիռի 8 արձակում»,- հավելել է նա։
Տաթև Ֆռանգյան
