06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Մեծ Բրիտանիայի հարկային ծառայությունը դադարել է ճանաչել Մոսկովյան բորսայի կարգավիճակը
Քաղաքականություն
05.05.2022 | 17:33
Մեծ Բրիտանիայի Հարկային և մաքսային վարչությունը մայիսի 5-ին Մոսկովյան բորսային զրկել է ճանաչված ֆոնդային հարթակի կարգավիճակից։ Այս մասին ասվում է վարչության տարածած հաղորդագրության մեջ, գրում է ՏԱՍՍ-ը։
«2022 թվականի մայիսի 5-ին HMRC-ը չեղարկել է Մոսկովյան բորսայի ներառումը ճանաչված բորսաների ցանկից։ Ներդրումները, որոնք իրականացվել են MOEX-ում մինչ այս ամսաթիվը, նախկինի պես համարվելու են ներդրումներ ճանաչված բորսայում։ Ներդրումները, որոնք իրականացվել են մայիսի 5-ից հետո, այդպիսին չեն ճանաչվելու»,- ասվում է փաստաթղթում։
Մոսկովյան բորսան HMRС-ի ճանաչված ֆոնդային հարթակի ցուցակում ներառվել է 2011 թվականի հունվարի 5-ից։ Այդ կարգավիճակից զրկելը նշանակում է, որ Մեծ Բրիտանիայի ներդրողները, որոնք արժեթղթերով առևտուր են անում Մոսկովյան բորսայում, չեն կարողանա օգտվել հարկային արտոնություններից, որ նրանց տրամադրում էր վարչությունը։
Էմմա Չոբանյան
