15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Հունաստանը հայտարարել է, որ Թուրքիան աննախադեպ կերպով խախտել է երկրի օդային տարածքը
Քաղաքականություն
05.05.2022 | 15:35
Հունաստանն իր հարևան Թուրքիային մեղադրել է Էգեյան ծովում լարվածություն հրահրելու մեջ՝ կործանիչներով խախտելով իր օդային տարածքը, գրում է ekathimerini-ն։
«Թվերն ինքնին խոսուն են»,- ասել է Հունաստանի ԱԳՆ խոսնակ Ալեքսանդրոս Պապաոիոաննուն Աթենքում լրագրողների հետ զրույցում՝ հավելելով, որ Հունաստանը միայն ապրիլի 27-ինգրանցել է օդային տարածքի 168 խախտում և 42 անօրինական թռիչք:
Նա Թուրքիայի սադրանքները բնութագրել է որպես «աննախադեպ»՝ նշելով, որ երկրի ռազմական ինքնաթիռները թռել են նաև Էգեյան ծովի՝ արևելյան հունական բնակեցված կղզիների վրայով, ներառյալ՝ Ռոդոսը, Կոսը և Կալիմնոսը: Խոսնակն ասել է, որ անցյալ չորեքշաբթի տեղի ունեցած թռիչքները գերազանցել են 2020 թվականին սահմանված մեկօրյա թռիչքների նախորդ ռեկորդը (23 անօրինական թռիչք):
«Եվրոպայի և ՆԱՏՕ-ի համար այս կրիտիկական և դժվարին պահին Թուրքիայի վարքագիծը խախտում է միջազգային իրավունքի հիմնարար սկզբունքները՝ միաժամանակ խաթարելով ՆԱՏՕ-ի համախմբվածությունը»,- ասել է Հունաստանի ԱԳՆ խոսնակը՝ նշելով, որ այս ներխուժումները հակասում են Աթենքի բարիդրացիության ջանքերի ոգուն։
Նա նաև հայտնել է, որ Աթենքը տեղեկացրել է ՄԱԿ-ին, ԵՄ-ին և ՆԱՏՕ-ին, որ դա Հունաստանի ինքնիշխանության խախտում է, նաև նշել, որ վարչապետ Կիրիակոս Միցոտակիսը հարցը բարձրացնելու է մայիսի 16-17-ը ԱՄՆ կատարած այցի ընթացքում։
Էմմա Չոբանյան
