19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Բաքվի բանտում խոշտանգված ռազմագերուն բերում են հայրենիք ու առանց բուժման՝ տանում են ծառայության. Ժաննա Ալեքսանյան. ՏԵՍԱՆՅՈՒԹ
Հասարակություն
05.05.2022 | 14:38
«Բանակում բարեփոխումներ կատարելու վերաբերյալ խոսակցությունները ձևական բնույթ են կրում: Անլուրջ վերաբերմունք է դրսևորվում պաշտոնատար անձանց կողմից»,- «Ոչ կանոնադրային հարաբերությունները՝ զինված ուժերում. ու՞ր մնացին ԶՈՒ բարեփոխումները» թեմայով քննարկման ժամանակ այս տեսակետը հայտնեց իրավապաշտպան, «Լրագրողներ հանուն մարդու իրավունքների» ՀԿ-ի նախագահ Ժաննա Ալեքսանյանը՝ ընդգծելով, որ երբ խոսվում է բանակի կարգապահության մասին, նախ պետք է դա սկսել վերևից, հետո անցնել զիվորներին:
Ալեքսանյանի խոսքով՝ արդարության մթնոլորտն իսպառ բացակայում է բանակում:
«Գերությունից վերադարձած զինվորին, որը խոշտանգումների է ենթարկվել Բաքվում, առանց հոգեբանական կենտրոն տեղափոխելու, տարել են կանգնեցրել սահմանին: Այդ զինվորը ոչ միայն հոգեբանորեն, այլ նաև ֆիզիկապես է վատ վիճակում: Հիմա ի՞նչն են բարեփոխում բանակում, այն դեպքում, երբ հիվանդ զինվորին տարել են սահման, նա ինչպե՞ս է պաշտպանելու»,- նշեց իրավապաշտպանը՝ հավելելով, որ զինվորը դիտարկվում է միայն որպես ռեսուրս:
Ալեքսանյանը ներկայացրեց նաև մեկ այլ դեպք. «Զինծառայող Բաբկեն Մկրտչյանի նկատմամբ ( ով 1 տարի երեք ամիս ծառայության ընթացքում մեկ տարին անցկացրել է հոսպիտալներում, ուշագնացություններ է ունենում, աղիների էրոզիայի խնդիր ունի և այլ առողջական լուրջ խնդիրներ) քրեական գործ է հարուցվել՝ համարելով, որ նա սիմուլյանտություն է անում, և տեղափոխվել է Արմավիր քրեակատարողական հիմնարկ: Նրա կյանքը հազիվ է փրկվել… Երկու շաբաթ է աղմուկ ենք բարձրացրել, բայց ոչինչ չի փոխվել»:
Մանրամասները՝ տեսանյութում:
