20.08.2026 | 21:39
Նիկոլ Փաշինյանին կշնորհվի Հեսսեյան խաղաղության մրցանակը
Ռուսաստանը շահագրգռված է Հայաստանում կայունության հաստատմամբ․ Պեսկով
Քաղաքականություն
05.05.2022 | 14:20
Ռուսաստանը շահագրգռված է, որ Հայաստանում որքան հնարավոր է՝ շուտ ավարտվի դժվարին շրջանը և կայունություն հաստատվի։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
«Սա լիակատար և ամբողջությամբ Հայաստանի ներքին գործն է։ Հայաստանը, ինչպես գիտեք, մեր դաշնակիցն է, մեր գործընկերն է մեզ համար մի քանի շատ կարևոր ինտեգրացիոն ձևաչափերում, Հայաստանը մեր մեծ բարեկամն է։ Եվ մենք, իհարկե, շահագրգռված ենք, որ այս շրջանը Հայաստանում հնարավորինս շուտ ավարտվի, և նորից կայունության շրջան գա»,- լրագրողներին ասել է նա։
Պեսկովը հավելել է, որ Հայաստանում կայունության շրջանը «հնարավորություն կտա աստիճանաբար շարժվել դեպի Ղարաբաղի վերաբերյալ այն եռակողմ համաձայնագրերի իրագործումը, որոնք վերջնական տեսքի են բերվել Ռուսաստանի նախագահի մասնակցությամբ, ինչպես նաև, ընդհանուր առմամբ, մեր երկկողմ հարաբերությունների զարգացման առումով»։
Տաթև Ֆռանգյան
