06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ի՞նչ պիտի բացահայտեր. Մամիջանյանը`Փաշինյանի հայտարարությունը չլսելու մասին
Քաղաքականություն
05.05.2022 | 11:53
Ընդդիմությունը շարունակում է բողոքի իր ակցիաները՝ պահանջելով իշխանությունների հրաժարականը:
Ընդդիմության քայլերթի ժամանակ անդրադառնալով նախօրեին ԱԺ-ում վարչապետ Նիկոլ Փաշինյանի հայտարարությանը, թե բացահայտում էր անելու, բայց ընդդիմությունը փախավ նիստերի դահլիճից, Մամիջանյանն ասաց. «Էլ ի՞նչ ինքը կարող է բացահայտել: Արդեն բացահայտել է, որ Սյունիքի հանձնումը եղել է նոյեմբերի 9-ի հայտարարությունից դուրս և իր միանձնյա որոշմամբ: Արդեն բացահայտել է, որ մոբիլիզացիան և բանակի կազմակերպման աշխատանքում թերացել է ինքը, արդեն բացահայտել է, որ կարող էր կանխել պատերազմը, կանգնեցնել պատերազմը:
Արդեն իր թիմակիցները բացահայտել են, որ մենք ճիշտ ենք, երբ ասում էինք, որ 2019-ին սեղանին փուլային տարբերակ էր: Ինքը քողարկված տեքստով բացահայտել են իրենց պլանները՝ այլևս չպայքարել Արցախի համար, նվազեցնել նշաձողը և կասկածի տակ դնել այն միտքը, որ Արցախը երբեք չի կարող լինել Ադրբեջանի կազմում: Էլ ինչ պիտի բացահայտի, դիագնո՞զը»:
Անդրադառնալով երեկ խորհրդարանում ՔՊ-ական պատգամավորների ծափողջույններին, Հայկ Մամիջանյանը նշեց. «Սովորություն ունեն ծափահարել իրենց ղեկավար կոչեցյալի զեղումներից հետո՝ բացարձակ չհարգելով ու չգիտակցելով նահատակված զինծառայողների հարազատների վիշտը, Հայաստանի ներկա իրավիճակը։ Երբ ասելիք չկա, ծափահարելը լավագույն ու ամենահեշտ միջոցն է»։
Մանրամասները՝ տեսանյութում:
