06.10.2026 | 09:45
Մեղրիում հրդեհ է բռնկվել երկհարկանի տանը․ այրվել է շուրջ 200 քմ տարածք
«Հայաստան» անունը չփորձեք բառախաղի կերպով օգտագործել. Արթուր Հովհաննիսյանը` լրագրողին. ՏԵՍԱՆՅՈՒԹ
Քաղաքականություն
05.05.2022 | 11:33
Վարչապետը երեկ կոնկրետ ասելիք ուներ ընդդիմադիրներին, նրանք էլ, այս փաստով պայմանավորված, փախան ԱԺ դահլիճից. ընդդիմությունը մշտապես ճշմարտությունից փախել է,սա էլ բացառություն չէր: Խորհրդարանական ճեպազրույցների ընթացքում այս մասին հայտարարեց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով հարցին, թե Նիկոլ Փաշինյանը երեկ ինչ բացահայտում պետք է աներ խորհրդարանում:
«Վարչապետն իր խոսքում երեկ նշեց, որ այդ ասելիքը կասի՝ նայելով հասցեատերերի՝ ընդդիմադիրների աչքերին, որպեսզի նրանք ավելի լավ հասկանան այդ ճշմարտությունը, հաշվի նստեն դրա հետ: Երբ կգա պատեհ պահը, վարչապետը կասի իր ասելիքն ընդդիմադիրների ներկայությամբ, եթե նրանք կրկին չփախնեն», – ասաց Արթուր Հովհաննիսյանը:
Հովհաննիսյանը, անդրադառնալով երեկ խորհրդարանում իշխանական պատգամավորների «Հա-յաս-տան» վանկարկման վերաբերյալ հարցին՝ հորդորեց Հայաստան անունը բառախաղի կերպով չօգտագործել և «Հայաստան» դաշինքի անվան հետ չնույնականացնել:
«Մենք ծափահարել ենք վարչապետի ելույթին և գոչել ենք «Հայաստան», այսինքն՝ Հայաստանի Հանրապետության անունն ենք ասել: Մենք ընդդիմության ոչ մի գործողություն չենք ողջունել»,- ասաց Հովհաննիսյանը:
Մանրամասները՝ տեսանյութում:
