29.09.2026 | 11:00
Ինչ թեմաներ կքննարկվեն հոկտեմբերին Հայաստանում կայանալիք COP 17 գագաթնաժողովում
Էս պրոցեսում մեզ միայնակ չթողնեք, մենք դրա կարիքն ունենք. Արարատ Միրզոյանը դիմեց ժողովրդին. ՏԵՍԱՆՅՈՒԹ
Քաղաքականություն
30.04.2018 | 20:23
«Սիրելի ժողովուրդ, այս ընթացքում մենք իրար հետ գտնվել ենք անկեղծ երկխոսության մեջ, և այդ երկխոսության ընթացքում դուք անընդհատ ցուցաբերել եք ապշեցուցիչ իմաստություն՝ մեզանից ավելի շատ ու ավելի շուտ հասկանալով շատ բաներ: Ապրիլի 16-ին մենք բոլորս հասկացանք, որ Բաղրամյան գնալ և մնա իմաստ չունի: Ողջ աշխարը հիացած է այս իմաստությամբ և կազմակերպվածությամբ, հիմա մենք նոր փուլ ենք թևակոխում, նաև ավելի դժվար: Մենք պետք է եռակի անգամ ավելի ուշադիր և անկեղծ լինենք: Պետք է հստակ հասկանա՝ ինչ փուլ ենք թևակոխում»,- այսօր Հանրապետության հրապարակում հայտարարեց ԱԺ «Ելք» խմբակցության պատգամավոր, ՔՊ անդամ Արարատ Միրզոյանը:
Պատգամավորը համոզված հայտարարեց՝ վաղն Ազգային ժողովը Նիկոլ Փաշինյանին կընտրի Հայաստանի վարչապետ:
«Դրանից հետո պետք է կազմվի ժամանակավոր կառավարություն, այդ բառն էական է: Այս կառավարությունից մենք պահանջելու ենք չորս հիմնական ֆունկցիա. Առաջինը՝ ապահովել հնարավորինս լայն քաղաքական համերաշխություն, ապահովել երկրի բնականոր գործունեությունը, տալ տնտեսական ամենաառաջնային լուծումները, ակնկալել տնտեսական հրաշքներ ժամանակավոր կառավարությունից չենք կարող, երրորդ՝ ստեղծել մեխանիզմներ ընտրական համակարգի բարեփոխման համար, չորրորդ ամենահիմնականը՝ ժամանակավոր կառավարության առաքելությունը արտահերթ խորհրդարանական ընտրությունների կազմակերպումն է»,- շարունակեց պատգամավորը:
Մանրամասները՝ տեսանյութում:
