29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Մեծ Բրիտանիան նոր հակառուսական պատժամիջոցներ է սահմանել
Քաղաքականություն
04.05.2022 | 18:53
Բրիտանական կազմակերպություններին արգելվել է Ռուսաստանին ծառայություններ մատուցել կառավարման խորհրդատվության, հաշվապահական հաշվառման և PR-ի ոլորտում, գրում է BBC-ի ռուսական ծառայությունը։
Միացյալ Թագավորության ԱԳ նախարար Լիզ Թրասը ևս հայտարարել է Ռուսաստան ծառայությունների արտահանման արգելքի մասին, ինչն անհնար է դարձնում նրանց համար բիզնես վարել բրիտանական ընկերությունների հետ, որոնք ռուսական տնտեսության համար կարևոր նշանակություն ունեն։
Նոր սահմանափակումները նշանակում են, որ ռուսական բիզնեսն այլևս չի կարողանա օգտվել համաշխարհային կարգի բրիտանական հաշվապահական, կառավարման և PR ծառայություններից, որոնց բաժին է ընկնում այս ոլորտում ռուսական ներմուծման 10%-ը, ասվում է բրիտանական կառավարության կայքում հրապարակված հայտարարության մեջ:
«Պուտինյան ռեժիմի հետ բիզնես վարելը բարոյապես անհիմն է, և դա օգնում է ֆինանսավորել պատերազմական մեքենան, որն անասելի տառապանքներ է պատճառում Ուկրաինայում: Բրիտանական ծառայություններին Ռուսաստանի հասանելիության դադարեցումը կուժեղացնի ճնշումը Կրեմլի վրա և, ի վերջո, կօգնի Պուտինին տանել դեպի ձախողում Ուկրաինայում»,- ասել է Լիզ Թրասը:
Բացի այդ, Մեծ Բրիտանիան ընդլայնել է պատժամիջոցները մի քանի ընկերությունների, այդ թվում՝ ВГТРК-ի նկատմամբ, սահմանափակումների են ենթարկվել նաև պետական հեռուստաալիքների աշխատակիցները։
Տաթև Ֆռանգյան
