08.04.2025 | 13:01
Բաքուն հայաթափված Ստեփանակերտում միջազգային ֆորում է անցկացնում
Արփինե Հովհաննիսյանը բացարձակապես ստում էր, երբ քաղբանտարկյալների հարցով հղում էր կատարում 5 հազար կազմակերպությունների․ Արթուր Սաքունց. ՏԵՍԱՆՅՈՒԹ
Քաղաքականություն
30.04.2018 | 19:11
«ՀՀԿ-ն, ըստ էության, հանդես էր գալիս ընդդիմության դիրքերից և այնպիսի տպավորություն էր, որ այդ հարցերն ուղղված էին արդեն գործող վարչապետին։ Մյուս կողմից էլ անհեթեթությունը կայանում է նրանում, որ այնպիսի հարցեր էին տալիս, որոնց պատասխանները իրենք առնվազն 20 տարի պետք է տված լինեին, այսինքն՝ իրենց չարած բոլոր խնդիրները, որոնք մեկ ամիս առաջ չէին ընդունում, հիմա ընդունում են և դրանց պատասխանները պահանջում են մի մարդուց, որը դեռևս չունի այդ լծակները»,- անդրադառնալով այսօր ԱԺ-ում Նիկոլ Փաշինյանի և ՀՀԿ խմբակցության անդամների միջև տեղի ունեցած հարցուպատասխանին՝ ասաց Հայաստանի Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը։
Իրավապաշտպանի գնահատմամբ՝ առավել տարակուսելի էր քաղբանտարկյալների վերաբերյալ ԱԺ փոխնախագահ Արփինե Հովհաննիսյանի տված հարցը․ «Տիկին Արփինե Հովհաննիսյանը բացարձակապես ստում էր, երբ հղում էր կատարում 5 հազար կազմակերպությունների, խնդիրը նա չէր, որ այդ 5 հազար կազմակերպությունները չկան, այլ այն, որ այդ կազմակերպություններից մի քանի տասնյակն են հստակ քաղբանտարկյալների ճանաչել, երկրորդը ես չգիտեմ ինչ իրավապաշտպան կազմակերպությունների նա նկատի ուներ, երբ որ ասում էր՝ «Սասնա ծռերին» ճանաչել են քաղբանտարկյալ։ Ես որ՝ բազմիցս և «Հիմնադիր խորհրդարանում» ելույթի ժամանակ և նաև Ազատության հրապարակում ելույթի ժամանակ «Սասնա ծռերին» քաղբանտարկյալ չեմ ճանաչել»։
Իրավապաշտպանը հիշեցրեց, որ միջազգային հեղինակավոր կազմակերպություններից «Human rughts watch»-ն իր զեկույցներում նշել է, որ Շանթ Հարությունյանն ու ընկերները ենթարկվել են քաղաքական հետապնդումների, նրանք նաև հայտարարություն են տարածել, որը վերաբերվում էր Ժիրայր Սեֆիլյանին, Անդրիաս Ղուկասյանին, Գևորգ Սաֆարյանին․ «Այն, որ միջազգային իրավապաշտպան կազմակերպությունների կողմից ՀՀ-ում քաղբանտարկյալներ չեն ճանաչվել, նույնպես չի համապատասխանում իրականությանը»,- ընդգծեց Սաքունցը։
Հարցազրույցն ամբողջությամբ՝ տեսանյութում։ Լիլիթ Շաբոյան
