08.06.2026 | 15:19
Հայ ձյուդոիստները մեդալներ են նվաճել միջազգային մրցաշարում
Մոսկվան արգելել է Ճապոնիայի վարչապետի և մի շարք այլ բարձրաստիճան պաշտոնյաների մուտքը ՌԴ
Քաղաքականություն
04.05.2022 | 14:26
Մոսկվան արգելել է Ճապոնիայի վարչապետ Ֆումիո Կիշիդային և արտաքին գործերի նախարար Յոսիմասե Հայաշիի մուտքը Ռուսաստան, «սև ցուցակում» ընդգրկված են նաև ֆինանսների, պաշտպանության և արդարադատության նախարարները։ ՌԻԱ Նովոստիի փոխանցմամբ՝ այս մասին հայտնել է Ռուսաստանի ԱԳՆ-ը։
«Ֆումիո Կիշիդայի վարչակազմը սկսել է աննախադեպ հակառուսական արշավ՝ թույլ տալով անընդունելի հռետորաբանություն Ռուսաստանի Դաշնության դեմ, ներառյալ՝ զրպարտությունը և ուղղակի սպառնալիքները»,- ասվում է ՌԴ ԱԳՆ հաղորդագրությունում։
«Տոկիոն գործնական քայլեր է ձեռնարկում, որոնք ուղղված են բարիդրացիական կապերի խզմանը՝ վնաս հասցնելով Ռուսաստանի տնտեսությանը և մեր երկրի միջազգային հեղինակությանը։ Հաշվի առնելով վերը նշվածը, ինչպես նաև Ճապոնիայի կառավարության կողմից Ռուսաստանի քաղաքացիների, այդ թվում՝ պետության բարձրագույն ղեկավարության դեմ կիրառված անձնական պատժամիջոցները, որոշում է կայացվել ընդմիշտ արգելել Ճապոնիայի հետևյալ քաղաքացիների մուտքը Ռուսաստանի Դաշնություն»,- ընդգծել են գերատեսչությունում՝ թվարկելով «սև ցուցակում» հայտնված պաշտոնյաներին։
Տաթև Ֆռանգյան
