15.09.2026 | 18:42
Վահան Բիչախչյանը մոտ է խաղադաշտ վերադառնալուն
Հռոմի պապը պատմել է պատրիարք Կիրիլի հետ իր զրույցի մասին
Քաղաքականություն
04.05.2022 | 14:45
Հռոմի Ֆրանցիսկոս պապն իտալական Corriere Della Sera պարբերականին պատմել է Ռուս ուղղափառ եկեղեցու պատրիարք Կիրիլի հետ իր զրույցի մասին։ Հոգևոր առաջնորդները խոսել են Ուկրաինայի վրա Ռուսաստանի հարձակման մասին, գրում է BBC-ի ռուսական ծառայությունը։
Հռոմի պապը պատմել է, որ պատրիարք Կիրիլը փորձել է արդարացնել ՌԴ-ի ռազմական գործողությունն Ուկրաինայում և թերթիկից կարդացել է դրա հիմնավորումները։
«Ես Կիրիլի հետ Zoom-ով խոսել եմ 40 րոպե։ Առաջին 20 րոպեն նա ձեռքին բռնած թերթիկից կարդաց ռուսական ներխուժման բոլոր արդարացումները։ Ես լսեցի նրան և պատասխանեցի՝ սրանից ոչինչ չեմ հասկանում։ Եղբա՛յր, մենք պետական պաշտոնյաներ չենք, պետք է ոչ թե քաղաքականության լեզվով խոսենք, այլ Հիսուսի լեզվով։ Ուստի մենք պետք է խաղաղության ուղիներ փնտրենք, պետք է դադարեցնենք պատերազմը։ Պատրիարքը չպետք է կռանա Պուտինի զոհասեղանի մակարդակի»,- պատմել է Հռոմի պապը։
Նա նաև տեղեկացրել է, որ չեղարկվել է հունիսի 14-ին իր և պատրիարք Կիևիլի հանդիպումը Երուսաղեմում։
«Դա կլիներ մեր երկրորդ հանդիպումը, այն պատերազմի հետ կապ չուներ։ Բայց մենք չեղարկեցինք այն, մենք պայմանավորվեցինք, որ դա աշխարհին չի տա այն ազդանշանը, որը մեզ անհրաժեշտ էր»,- ասել է Ֆրանցիսկոս պապը:
Տաթև Ֆռանգյան
