17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ուկրաինայի որ քաղաքներն է ցանկանում գրավել ՌԴ-ն․ Մեծ Բրիտանիայի հետախուզությունը տվյալներ է հրապարակել
Քաղաքականություն
04.05.2022 | 13:45
Ռուսական բանակը մտադիր է դուրս գալ Իզյումից այն կողմ և գրավել Կրամատորսկ և Սևերոդոնեցկ քաղաքները։ Այս մասին ասված է Մեծ Բրիտանիայի պաշտպանության նախարարության՝ մայիսի 4-ին հրապարակված զեկույցում։
Բրիտանական հետախուզության տվյալներով՝ ռուսական զորքերը Իզյումի մոտ տեղակայել են 22 գումարտակային մարտավարական խմբեր՝ փորձելով առաջ շարժվել Դոնբասի հյուսիսային ուղղությամբ:
«Չնայած ուկրաինական պաշտպանությունը ճեղքելու և թափ հավաքելու փորձերին՝ Ռուսաստանը, ամենայն հավանականությամբ, մտադիր է դուրս գալ Իզյումից և գրավել Կրամատորսկ ու Սևերոդոնեցկ քաղաքները»,- ասված է բրիտանական հետախուզության զեկույցում։
Այս տարածքների գրավումը կուժեղացնի Ռուսաստանի Դաշնության վերահսկողությունը Դոնբասի հյուսիս-արևելքում և կդառնա հարթակ տարածաշրջանում ուկրաինական ուժերին կտրելու համար։
Տաթև Ֆռանգյան
