29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Կորոնավիրուսի բռնկման պատճառով Պեկինում փակվել են մետրոյի 44 կայարաններ
Քաղաքականություն
04.05.2022 | 12:12
Չինաստանի մայրաքաղաք Պեկինում այսօր փակվել են մետրոյի մի քանի տասնյակ կայարաններ և ավտոբուսային երթուղիներ՝ COVID-19-ի տարածումը կանխելու համար, գրում է Reuters-ը։ Տեղական իշխանությունները նման քայլի են գնացել, որպեսզի խուսափեն Շանհայի նման լոքդաունի գնալուց․ մեգապոլիսի միլիոնավոր բնակիչներ ավելի քան մեկ ամիս է՝ գտնվում են խիստ արգելափակման տակ։ Պեկինի քաղաքային իշխանությունները մայիսի 4-ին որոշել են դադարեցնել մետրոյի 44 կայարանների աշխատանքը՝ կորոնավիրուսի բռնկման պատճառով։
Ապրիլի 22-ից Չինաստանի մայրաքաղաքում հայտնաբերվել է COVID-19 վարակի առնվազն 453 դեպք։
Պեկինի մետրոն գործում է 1971 թվականից և օրական միջինը տեղափոխում է 12,4 միլիոն մարդ։ Ընդհանուր առմամբ Պեկինի մետրոն ներառում է 459 կայարան, գծերի ընդհանուր երկարությունը 783 կմ է։
Տաթև Ֆռանգյան
