20.11.2024 | 09:31
ՀՀ տարածքում ավտոճանապարհներն անցանելի են
Մենք խաղաղության օրակարգի կողմնակիցն ենք. Արթուր Վանեցյան. ՏԵՍԱՆՅՈՒԹ
Քաղաքականություն
03.05.2022 | 18:23
«Այս իշխանությունները ցույց տվեցին, որ ի վիճակի չեն պաշտպանել Հայաստանը և Արցախը»,- այս մասին Factor.am – ի հետ զրույցում նշեց Նիկոլ Փաշինյանի հրաժարականի պահանջով փողոցային պայքարի դուրս եկած «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը:
«Մաս-մաս մեր հայրենիքը հանձնվում է… Մենք բողոքի ակցիաներ ենք անում՝ պահանջելով այս իշխանությունների հրաժարականը, որպեսզի ուժեղացնենք Հայաստանը և Արցախը, և որ այլևս մեր թշնամին չփորձի հարձակվել մեր երկրի վրա»,- նշեց Վանեցյանը:
Նա նաև ընդգծեց, որ իրենք ևս կողմնակից են խաղաղության օրակարգին:
«Իշխանություններն ասում են, որ ժողովրդի թիկունքում որևէ փաստաթուղթ չի ստորագրվելու, որևէ պայմանավորվածություն ձեռք չի բերվելու խաղաղության օրակարգի շուրջ, բայց տեսնում ենք, որ հայտնի հինգ կետերին հայկական կողմը համաձայնություն է հայտնել:
Ստեղծված իրավիճակի պատճառն այն է, որ ներքին լսարանին կարողանում են խաբել, մանիպուլացնել, արտաքին խաղացողների, գերտերությունների մոտ էլ մանևրում են, տարբեր բաներ են ասում: Այս իշխանությունները չեն կարողանում տիրապետել իրավիճակին»,- ասաց Վանեցյանը:
Մանրամասները՝ տեսանյութում:
